Товарнинг божхона қийматини захира усулда аниқлаш учун асос сифатида қуйидагилардан фойдаланишга йўл қўйилмайди:
- Ўзбекистон Республикасида ишлаб чиқарилган ўхшаш товарнинг сотилиш нархидан;
- икки ва ундан ортиқ муқобил қийматларнинг энг юқори қийматидан;
- экспорт қилувчи мамлакатнинг ички бозоридаги товар нархидан;
- божхона қийматини аниқлаш учун қийматларни қўшиш усулини қўллашда фойдаланилмайдиган ишлаб чиқариш чиқимларидан;
- экспорт қилаётган мамлакатдан учинчи мамлакатларга етказиб берилаётган товарнинг нархидан;
- энг паст божхона қийматларидан;
- товарнинг ўзбошимчалик билан белгиланган ёки тўғри тасдиқланмаган нархидан.