“Наманган” эркин иқтисодий зонаси ҳудудида ўз фаолиятини бошлаётган “Siberian Wellness-Namangan” МЧЖ ХКга жорий йилнинг 21 Апрель куни эркин иқтисодий зона иштирокчиси Гувоҳномаси топширилди.

Мазкур корхона томонидан “Меваларни қайта ишлаш ва уларни қуритиш, сок ва пюре маҳсулотларини ишлаб чиқариш”га оид умумий қиймати 4.0 млн.АҚШ долларига тенг инвестиция лойиҳасини амалга оширилиши натижасида 30 нафар янги иш ўринлари яратиш, шунингдек, йилига қиймати 4.77 млн.АҚШ долларига тенг
3800 тонна меваларни қайта ишлаш ва уларни қуритиш, сок ва пюре маҳсулотларини ишлаб чиқариш кўзда тутилган. Корхона томонидан ишлаб чиқарилган маҳсулотларнинг 95 фоизи қўшни республикаларга экспорт қилиш режалаштирилган.