News
Ўзбекистон Республикаси Президентининг 2020 йил 19 мартдаги "Коронавирус пандемияси ва глобал инқироз ҳолатларининг иқтисодиёт тармоқларига салбий таъсирини юмшатиш бўйича биринчи навбатдаги чора тадбирлар” туғрисидаги ПФ-5969 сонли Фармонига асосан
2020 йил 1 октябргача бўлган даврда:
• Ташқи савдо операциялари бўйича муддати ўтган дебитор қарздорлик учун хўжалик юритувчи субъектларга жарималар қўллаш тўхтатилади;
• Солиқ органлари вақтинча қийинчиликларни бошдан кечираётган хўжалик юритувчи субъектларга мол-мулк солиғи, ер солиғи ва сув ресурсларидан фойдаланганлик учун солиқ бўйича пенялар ҳисобланишини тўхтатиб туради, шунингдек, солиқ қарзини мажбурий ундириш чораларини кўрмайди.
Наманган вилоятида “Hyundai” тижорат автомобиллари ишлаб чиқариш заводи қурилиши тез орада бошланади!
Бугун Наманган вилояти ҳокимлигида “Hyundai Motor Uz Namangan” корхонаси раҳбари Ким Юнг Чол билан учрашув бўлиб ўтди.
Мулоқот чоғида “Наманган” ЭИЗнинг Тўрақўрғон тумани ҳудудида барпо этиладиган “Hyundai” тижорат автомобиллари ишлаб чиқариш заводи лойиҳасини амалга оширилиш борасида қилинаётган ишлар хусусида сўз борди.
Лойиҳани амалга оширилиши борасида охирги босқичга келинганини маълум қилган Ким Юнг Чол, заводнинг қурилиш ишлари кейинги ойга бошланиши режалаштирилаётганини қайд этди.
Ўзбекистон Республикасининг 2020 йилги “Иқтисодий эркинлик” индексидаги ўрни кўтарилди
Америка Қўшма Штатларининг “The HeritageFoundation” ташкилоти томонидан юритиладиган “Иқтисодий эркинлик” индексининг 2020 йил учун ҳисоботида Ўзбекистон 57,2 балл билан 114-ўринни эгаллади (2019 йилда 53,3 балл билан 140-ўрин).